કાયાને સરનામે/અજ્ઞાત

કાયાને સરનામે/અજ્ઞાત
કાયાને સરનામે આવ્યા હરિના કાગળિયા,
તેડાવે તુઝને તારો શ્યામ,
ઊડીજા ઊડીજા ઓ પ્રાણના પારેવડાં,
પારકા મલકમાં હવે તારે રહેવાનું શું કામ?
ઊડીજા ઊડીજા…..
એકજ ફૂંકની ઉપજ-નીપજ,
આ એકજ ફૂંકનું સર્જન,
આંખ ઉઘાડી ને મીંચો
ત્યાં તો સરજનનું વિસર્જન. હે…
આવન-જાવન કરે કાફલો સદા આમને આમ.
ઊડીજા ઊડીજા……..
સોના જેવા સોનાની પણ પત્થર કરે કસોટી,
એક જ પળમાં વીંધાઇ જાતું મોતી જેવું મોતી,
હે…હવે છેટું નથી રે તારું ગામ….
ઊડીજા ઊડીજા……..
મૃગજળનાં જળ પી પી ને તરસ્યું છીપાવી જાણી,
દુનિયાના દાવાનળમાં જાત જલાવી જાણી,
કંટકછાયી કેડી માથે કાયાને ચલાવી જાણી,
કોઇનું કલંક માથે ઓઢીને આબરૂ અભડાવી જાણી,

હે…જીવડા તરી વાટઈ જુવે તારો આતમરામ
ઊડીજા ઊડીજા…

વિશે Gopal Parekh

I am young man of 77+ years

‹ દીકરીવિદાય એ કરુણ મંગળ ઘટના છે./ભીખુદાન ગઢવી

મન પ્રસન્ન, ચિંતાહર પ્રાર્થનાઓ+કાયાને સરનામે(ભજન) ›

Tagged with: ભજન
Posted in ભજન