રામની વાડીએ

રામની વાડીએ

રામની ભોંયમાં રામની ખેતરવાડીએ જી,

આપણા નામની અલગ છાપ ન પાડીએ જી,

જગને ચોક  ચબૂતરી વેરી રામધણીની જુવાર,

તે પર પાથરી બેઠો તું ઝીણી પ્રપંચ્ની જાળ;

ધર્માદાચણથી પંખી ન ઉડાડીએ જી.

રામની વાડી ગામ આખાની, હોય ના એને વાડ,

બાંધ જો તારું ચાલતું હોય તો આભને આડી આડ;

વાડ કરી આ ક્ષિતિજ  ના વણસાડીએજી,

રામની વાડી ભોગવવી ભાઈ, હકનાં પાઈ નીર,

સૌને વ્હેંચી  ચાખવી  આપણે રામના ફળની ચીર;

આપણા ભેગાં સૌનાં ભાણાં માંડીએ જી.

–ઉશનસ

વિશે Gopal Parekh

I am young man of 77+ years

‹ ધારણા

સંભળાયે છે તાન ›

Posted in miscellenous