આષાઢી સાંજ/ઝવેરચંદ મેઘાણી

 

આષાઢી સાંજ/ઝવેરચંદ મેઘાણી/1929

 આષાઢી સાંજનાં અંબર ગાજે

અંબર ગાજે,મેઘાડંબર ગાજે !

—આષાઢી.

માતેલા મોરલાના ટૌકા બોલે

ટૌકા બોલે, ધીરી ઢેલડ ડોલે.—

આષાઢી .

ગરવા ગોવાળિયાના પાવા વાગે

 પાવા વાગે,સૂતી ગોપી જાગે.

—આષાઢી .

વીરાની વાડીઓમાં અમૃત રેલે,

 અમૃત રેલે, ભાભી ઝરમર ઝીલે

.—આષાઢી.

ભાભીની રાતીચોળ ચૂંદડ ભીંજે,

ચૂંદડભીંજે,ખોળે બેટો રીઝે.

—આષાઢી.

આષાઢી સાંજનાં અંબર ગાજે

 અંબર ગાજે મેઘાડંબર ગાજે !

વિશે Gopal Parekh

I am young man of 77+ years

‹ ‘હું કોણ? ક્યાંથી ?શા માટે ?’

સેવાભાવી શાર્દૂલભાઇ/અબ્બાસઅલી સૈયદ ›

Tagged with: ઝવેરચંદ મેઘાણી
Posted in કવિતા