બીજું કાંઈ હું ન માગું//બાદરાયણ(ભાનુશંકર વ્યાસ)
આપને તારા અંતરનો એક તાર.
બીજું હું કાંઈ ન માગું:
સુણજે આટલો આર્ત તણો પોકાર,
બીજું હું કાંઈ ન માગું:
તુંબડું મારું પડ્યું નકામું,
કોઈ જુએ નહીં એના સામું;
બાંધીશ તારા અંતરનો ત્યાં તાર,
પછી મારી ધૂન જગાવું:
સુણજે આટલો આર્ત તણો પોકાર,
બીજું હું કાંઈ ન માગું:
એકતારો મારો ગૂંજશે મીઠુ,
દીખશે વિશ્વ રહ્યું જે અદીઠુ,
ગીતની રેલશે એક અખંડિત ધાર,
એમાં થઈ મસ્ત હું રાચુ :
આપ ને તારા અંતરનો એક તાર,
બીજું હું કાંઈ ન માગું:
I am young man of 77+ years
મા ગુર્જરીના ચરણે.... 
પ્રતિસાદ આપો