ભજન કરે તે જીતે// મકરંદ દવે//ભજનયોગ

સંકલન: સુરેશ દલાલ/પાના-1 અને 2

વજન કરે તે હારે રે મનવા !

ભજન કરે તે જીતે.તુલસીદલથી તોલ કરો તો

બને પવન-પરપોટો,

અને હિમાલય મૂકો હેમનો

તો મેરુથી મોટો.

આ ભારેહળવા હરિવરને

મૂલવવા શી રીતે?

એક ઘડી તને માંડ મળી છે

આ જીવતરને ઘાટે,

સાચ-ખોટનાં ખાતાં પાડી

`

એમાં તું નહીં ખાટે;

સહેલીશ તું સાગરમોજે કે

પડ્યો રહીશ પછીતે?

રે મનવ, ભજન કરે તે જીતે.

આવ,હવે તારા ગજ મૂકી,

વજન મૂકીને વરવાં,

નવલખ તારા નીચે બેઠો

કયા ત્રાજવડે તરવા?

ચૌદ ભુવનનો સ્વામી આવે

ચપટી ધૂળની પ્રીતે,

રે મનવા,ભજન કરે તે જીતે.

       માપીને કોઈ પામી શકતું નથી.જે

પામતો હોય છે તે માપતો નથી હોતો નેજે માપતો હોય છે તે પામતો નથી. દરેક વસ્તુનાં તોલમાપ ન હોય.અથવા એમ કહીએ કે તોલમાપ કરીએ ત્યારે ભલભલી લાગણી કે વ્યક્તિ કે ખુદ પરમાત્મા પણ વસ્તુ થઈ

જાય. સ્વજન હોય તે પ્રેમ કરે, ન્યાય ન તોળે,

   જે ભક્તિ કરે છે. ભજન કરે છે તે જીતે છે.વજન કરનારો જીવતો લાગે-પણ જીતે નહીં

અંતે તો ભજનનો મહિમા.

    આપણાં કાટલાંયે ખોટા. તુલસીદલ લાવો કે હેમનો હિમાલયલાવો, નહિવત હોય કે ભારેહોય-હરિવરને મૂલવાય  નહીં એતો હવાથી યે હળવો છે. એને પામવાથી એક જ રીત – અને તે નામસ્મરણ, ભજન.

   આપણે મળેલી ક્ષણને વેડફીનાખીએછીએ. કુંવારી ક્ષણ  મળે કેટલી? ખંડિત ક્ષણો મળે છે—અથવા મળેલી ક્ષણને આપણ્રે અખંડિત રહેવા દેતા નથી. આપણે કોરા કાગળ પર હાંસિયાજ દોરીએ છીએ. આ સારું, આ ખોટું, આ પુણ્ય આ પાપ—આમ ને આમ જ બધું ગુમાવીએ છીએ.સાગરનાં મોજાં પર સહેલવાને બદલે પછીતે પડી રહીએ છીએ. વહેવાને બદલે  સ્થગિત થઈએ છીએ.

   આપણગજ ખોટા હોય અને ટૂંકા.આપણાં વજન વરવાં.રાતરાણીનીમહેક માણવાને બદલે એ મહેકનું પૃથ્ક્કરણ કરી તો આનંદ અળપાઈ જાય.પ્રત્યેક વસ્તુ લઈને તર્કની લેબોરેટરીમાં ન લઈ જવાની હોય. પૃથક્કરણનો નશો નહીં—પણ સંયોજનનો આનંદ હોવો જોઈએ. ગણિત કે ગણતરી નહીં—પણ અગણિતનો અર્થ હોવો જોઈએ. નવલખ તારાની નીચે આપણું વેપારી મન  ત્રાજવું લઈને બેઠુંહોય –તો આપણે ભિખારી જ પુરવાર થવાના. અને અલગારી ઈશ્વર તો આપણાથી આઘો જ રહેવાનો.

    ચૌદ ભુવનનો સ્વામી છે તે બહારના વૈભવથી નહીં આવે પણ એપૂર્ણ અને સાચી હોય –તોખુદ ખુદા પણ આવ્યા વિના રહેશે

નહીં.

આપણી કવિતામાં મકરંદી  મિજાજ એ નોખી, અનોખી વાત છે.

વિશે

I am young man of 77+ years

Posted in miscellenous

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s

વાચકગણ
  • 597,068 hits

Enter your email address to subscribe to this blog and receive notifications of new posts by email.

Join 273 other followers

તારીખીયું
મે 2021
સોમ મંગળ બુધ ગુરુ F શનિ રવિ
 12
3456789
10111213141516
17181920212223
24252627282930
31  
સંગ્રહ
ઓનલાઈન મિત્રો
%d bloggers like this: