ગીતાધ્વનિ: અધ્યાય:આઠ્મો

ગીતાધ્વનિ

(ભગવદ ગીતાનો સમશ્લોકીઅનુવાદ)

કિશોરલાલ ઘ. મશરૂવળા

નવજીવન પ્રકાશન મંદિર

અમદાવાદ380 014

અધ્યાય: 8

 યોગીનો દેહત્યાગ

અર્જુન બોલ્યા—  

શું તે બ્રહ્મ ?શું અધ્યાત્મ? શું કર્મ, પુરુષોત્તમ?

અધિભૂત કહે શાને? શું, વળી, અધિદૈવ છે?…1

અધિયજ્ઞ અહીં દેહે કોણ ને કેમ છે રહ્યો?

તમને અંતવેળાએ યતિએ કેમ જાણવા?…2

                   *

શ્રીભગવાન  તે બોલ્યા—

અક્ષર તે પરબ્રહ્મ, અધ્યાત્મ તો સ્વભાવ જે;

ભૂતો સૌ ઉપજાવે તે વિસર્ગ કર્મ જાણવું….3

ક્ષર ને જીવના ભાવો અધિભૂતાધિદૈવ તે;

અધિયજ્ઞ હું પોતે જ દેહીના દેહમાં અહીં…4

મ’ને જ સ્મરતો અંતે છોડી જાય શરીર જે,

મારો જ  ભાવ તે પામે, તેમાં સંશય ના કશો…5

જે જેયે સ્મરતો ભાવ છોડી જાય શરીરને,

તેનેતેને જ તે પામે સદા તે ભાવથી ભર્યો…6

માટે અખંડ તું મારી સ્મૃતિને રાખતો લડ;

મનબુદ્ધિ મ’ને અર્પ્યે મ’ને નિ:શંક પામશે…7

                  *

અભ્યાસયોગમાં યુક્ત મન બીજે ભમે નહીં,

અખંડચિંતને પામે પરંપુરુષ દિવ્ય તે…8

પુરાણ, સર્વજ્ઞ, જગન્નિયંતા,

સૂક્ષ્માતિસૂક્ષ્મ સહુના વિધાતા;

આદિત્યવર્ણ, તમથીય પાર,

અચિંત્યરૂપ સ્મરતો સદા જે,…9

પ્રયાણકાળે સ્થિર ચિત્ત રાખી,

લૈ ભક્તિ સાથે બળ યોગનુંયે;

ભવાં વચે પ્રાણ સુરીત આણી,

યોગી પરંપૂરુષ દિવ્ય પામે…10

જેને કહે ‘અક્ષર’વેદવેત્તા,

જેમાં વિરાગી યતિઓ પ્રવેશે;

જે આજ રાખે વ્રત બ્રહ્મચર્ય,

કહું તને તે પદ સારરૂપે….11

રોકીને ઈંદ્રિયોદ્વારા, રૂંધીને હ્રદયે મન,

સ્થાપીને તાળવે પ્રાણ, રાખીને યોગ-ધારણા;..12

ઑમ(3)એકાક્ષરીબ્રહ્મ ઉચ્ચારી સ્મરતો મ’ને,

જે જાય દેહને છોડી, તે પામે છે પરંગતિ…13

સતત એક ચિત્તેજે સદા સંભારતો મ’ને,

તે નિત્ય્યુક્ત યોગીને સે’જે હું પ્રાપ્ત થાઉં છું…14

મ’ને પો’ચી મહાત્માઓ, પામેલા શ્રેષ્ઠ સિદ્ધિને,

વિનાશી, દુ:ખનું ધામ, પુનર્જન્મ ધરે નહીં…15

બ્રહ્માના લોક પર્યંત આવાગમન સર્વને;

પરંતુ મુજને પામીપુનર્જન્મ રહે નહીં…16

                   *

હજાર યુગનોદા’ડો હજાર યુગની નિશા;

બ્રહ્માના દિનરાત્રિના વિદ્વાનો એમ જાણતા…17

અવ્યક્તથી બધી વ્યક્તિ નીકળે દિન ઊગતાં;

રાત્રી થતાં ફરી પામે તે જ અવ્યક્તમાં લય…18

તે જ આ ભૂતનો સંઘ ઊઠી ઊઠી મટી જતો,

પરાધીનપણેરાત્રે, નીકળે દિન ઊગતાં…19

તે અવ્યક્ત થકી ઊંચો બીજો અવ્યક્ત ભાવ છે;

તે શાશ્વત નહીં નાશે, ભૂતો સૌ નાશ પામતાં..20

કહ્યો અક્ષર, અવ્યક્ત, કહી તેને પરંગતિ;

જે પામ્યે ન ફરે ફેરા,–તે મારું ધામ છે પરં…21

પરંપુરુષ તે પ્રાપ્ત થાય અનન્ય ભક્તિથી—

જેના વિશે રહે ભૂતો, જેનો વિસ્તાર આ બધો…22

                  *

જે કાળે છોડતાં દેહ યોગી પાછા ફરે નહીં;

જે કાળે ફરે પાછા, તે કાળ કહું છું હવે…23

અગ્નિજ્યોતે, દિને, શુક્લે, છમાસે ઉત્તરાયણે,

તેમાં જ બ્રહ્મવેત્તાઓ જાય તે બ્રહ્મ પામતાં..24

ધૂમાડે, રાત્રિએ, કૃષ્ણે, છ માસે દક્ષિણાયને,

તેમાં યોગી ફરે પાછો પામીને ચંદ્રજ્યોતિને…25

શુક્લ-કૃષ્ણ ગણી આ બે ગતિ વિશ્વે સનાતન;

એકથી થાય  ના ફેરા, બીજીથી ફરતો વળી…26

                    *

આવા બે માર્ગ જાણે તે યોગી મોહે પડે નહીં;

તે માટે તું સદાકાળ  યોગયુક્ત બની રહે…27

વેદો તણાં, યજ્ઞ-તપો તણાંયે,

દાનો તણાં પુણ્ય ફળો કહ્યાં જે;

તે સર્વ આ જ્ઞાન વડે વટાવી,

યોગી લહે આદિ મહાન ધામ…28

0

0

વિશે

I am young man of 77+ years

Posted in miscellenous

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s

વાચકગણ
  • 576,489 hits

Enter your email address to subscribe to this blog and receive notifications of new posts by email.

Join 273 other followers

તારીખીયું
ફેબ્રુવારી 2021
સોમ મંગળ બુધ ગુરુ F શનિ રવિ
1234567
891011121314
15161718192021
22232425262728
સંગ્રહ
ઓનલાઈન મિત્રો
%d bloggers like this: