ગીતા:સમશ્લોકી અનુવાદ: અધ્યાય:16

GITA-16

ગીતા ધ્વનિ

કિશોરલાલ મશરૂવાળા

નવજીવન પ્રકાશન મંદિર-અમદાવાદ 380014

(શ્રીમદ્ ભગવદ્ ગીતાનો સમશ્લોકી અનુવાદ)

અધ્યાય:16

દૈવી અને આસુરી સંપત્તિ

શ્રીભગવાન બોલ્યા–

અભય, સત્ત્વસંશુદ્ધિ, વ્યવસ્થા જ્ઞાન-યોગમાં,

નિગ્રહ, દાન, સ્વાધ્યાય, યજ્ઞ, સરળતા, તપ ;    …1

અહિંસા, સત્ય, અક્રોધ, ત્યાગ, શાંતિ, અપૈશુન,

મૃદુતા, સ્થિરતા, લાજ, દયા જીવે, અલાલસા;    …2

ક્ષમા,અમાન, અદ્રોહ, તેજ, ધૈર્ય, પવિત્રતા.

દૈવી ભાવ વિશે જન્મે, તેની આ સંપદા થતી.    …3

************

અજ્ઞાન, માન ને દર્પ, દંભ, ક્રોધ, કઠોરતા;

આસુરી ભાવમાં જન્મે, તેની આ સંપદા થતી.   …4

********

મોક્ષ દે સંપદા દૈવી, કરે બંધન આસુરી;

મા કર, શોક, તું જન્મ્યો દૈવી સંપત્તિને લઈ.    …5

દૈવી ને આસુરી છે બે ભૂતોની સૃષ્ટિ આ જગે;

વિસ્તારે વર્ણવી દૈવી, હવે સાંભળ આસુરી.     …6

********

આસુરી જન જાણે ના પ્રવૃત્તિ કે નિવૃત્તિને,

ન સ્વચ્છતા, ન આચાર, સત્યે ના તેમને વિશે.  …7

અસત્ય જગ છે બોલે, અનાધાર, અનીશ્વર;

અન્યોન્ય યોગથી જન્મ્યું, હેતુ કામ વિના નહીં;  …8

આવી તો રાખતા દૃષ્ટિ ક્રૂરકર્મી, અબુદ્ધિઓ,

હૈયાસૂના ધરે જન્મ પ્રજાક્ષયાર્થ શત્રુઓ.        …9

દુષ્પૂર કામને સેવે, દંભ-માન-મદે ભર્યા;

મોહે દુરાગ્રહો બાંધી પાપાચારી પ્રવર્તતા.   …10

વહે અપાર ચિંતાને મૃત્યુએ ઝાલતાં સુધી;

સુખ-ભોગ ગણે ધ્યેય, તે જ સર્વસ્વ માનતા.   …11

આશાપાશો વડે બાંધ્યા, કામ-ક્રોધ-પરાયણ;

ઈચ્છતા સુખભોગાર્થે અન્યાયે ધનસંચય.    …12

‘આ પામ્યો આજ, ને કાલે કોડ પૂરો કરીશ આ;

’આટલું મારું છે આજે, આયે મારું થશે ધન;   …13

‘આ વેરી મેં હણ્યો છે ને બીજાયે હણનાર છું;

’હું સર્વાધીશ ને ભોગી, સિદ્ધ હું, બળવાન્. સુખી. …14

‘ હું છું કુલીન, શ્રીમંત, બીજો મારા સમાન ના;

’યજીશ, દૈશ, મા’ણીશ’—કહે અજ્ઞાન મોહથી.   …15

*******

ભૂલ્યા અનેક તર્કોમાં, ગૂંચાયા મોહજાળમાં;

આસક્ત સુખ ને ભોગે તે કૂડા નરકે  પડે.   …16

આત્મશ્લાઘી ગુમાની તે, દંભ-માન-મદે ભર્યા,

કરે છે નામના યજ્ઞો દંભથી વિધિને ત્યજી,   …17

બળ, દર્પ, અહંકાર, કામ ને ક્રોધ ને વર્યા;

સ્વ-પર દેહમાં મારો ઈર્ષાથી દ્રોહ તે કરે.    …18

*******

એવા દ્વેષી તથા ક્રૂર સંસારે જે નરાધમો,

તે દુષ્ટોને સદા નાખું આસુરી યોનિઓ વિશે.  …19

આસુરી યોનિ પામેલા જન્મોજન્મેય મૂઢ તે,

મ’ને ન મેળવે,પામે ઝાઝી ઝાઝી અધોગતિ.   …20

કામ, ક્રોધ તથા લોભ, નરકદ્વાર આ ત્રણ,

કરતા આત્મનો ઘાત, તેથી તે ત્યજવાં ત્રણે.  …21

તમનાં આ ત્રણે દ્વારો, તેથી મુક્ત થઈ, પછી

આચરી આત્મનું શ્રેય દેહી પામે પરંગતિ.   …22

*******

છોડીને શાસ્ત્રનો માર્ગ સ્વછંદે વરતે નર,

તેને મળે નહીં સિદ્ધિ, ન સુખે, ન પરંગતિ.   …23

માટે પ્રમાણવું શાસ્ત્ર કાર્યાકાર્ય ઠરાવવાં;

શાસ્ત્રથી વિધિને જાણી કર્મ આચરવું ઘટે.         …24

*********************************

 

વિશે

I am young man of 77+ years

Posted in miscellenous
One comment on “ગીતા:સમશ્લોકી અનુવાદ: અધ્યાય:16
  1. nabhakashdeep કહે છે:

    Reblogged this on આકાશદીપ and commented:
    સાભાર… ભગવદ ગીતા

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s

વાચકગણ
  • 415,044 hits

Enter your email address to subscribe to this blog and receive notifications of new posts by email.

Join 280 other followers

તારીખીયું
ઓક્ટોબર 2019
સોમ મંગળ બુધ ગુરુ F શનિ રવિ
« સપ્ટેમ્બર   નવેમ્બર »
 123456
78910111213
14151617181920
21222324252627
28293031  
સંગ્રહ
ઓનલાઈન મિત્રો
%d bloggers like this: