વડીલોએ કેવો આહાર લેવો?

વડીલોએ કેવો આહાર લેવો?

(જન્મભૂમિ, સોમવાર,28/01/2019)

    ઉંમર એ સમયને લગતી પરિસ્થિતિ છે કે જે દરેક વ્યક્તિએ અનુભવવાની છે, કુદરતનો નિયમ છે. ‘હુ’ ના માનવા મુજબ 60 વર્ષથી વધુ ઉંમરની વ્યક્તિઓની વડીલો તરીકે ગણના કરવામાં આવે છે.

    આ ઉંમરની સફળતા એ જ ગણી શકાય કે તમે જવાબદારીઓ અને રોગોથી મુક્ત, સક્ષમ બનીને આ સમય પસાર કરી શકો. 60 વર્ષ પછીની જિંદગી તંદુરસ્ત અને આરામપૂર્વક હોય તેમજ શારીરિક રીતે પણ સ્વસ્થ હોય. તેના માટે જરૂરી છે કે આહાર તેમજ અગર કોઈ દવાઓ વગેરે ચાલતી હોય તેની નિયમિતતા કેળવવી.

ઉંમર વધવાની સાથે શારીરિક –માનસિક તેમજ પોષણકીય ફેરફાર થતા હોય છે જેને અનુરૂપ થઈને સ્વસ્થ જીવન જીવી શકાય. આ સમયે શરીરમાં સંગ્રહાયેલા પોષક તત્ત્વોનો અલગ અલગ પ્રકારે વ્યય થાય છે.ખાસ કરીને જળદ્રાવ્ય વિટામિન શરીરમાંથી ઘટવા લાગે છે. વિટામિન-એ, ઇ અને સીનું પ્રમાણ ઘટતાંની સાથે વાળ, ત્વચા, નખ વગેરે ઝાંખા પડે છે.આંખની દૃષ્ટિમાં પણ ઝાંખપ આવે છે. આ ઉપરાંત કંઇ ‘ઘા’ વાગે તો તેને રૂઝાતાં વાર લાગવી આ બધી અસર જોવા મળે છે. વિટામિન ડી તેમજ કેલ્શિયમનો વ્યય થાય છે જેના કારણે હાડકાં નબળાં પડે છે.. જેથી ઉંમરલાયક વ્યક્તિને સવારના કૂમળા તડકામાં બેસવું લાભદાયક છે. જેથી સૂર્યના તાપ દ્વારા વિટામિન ડી મેળવી શકે.

    પુરુષોમાં ઉંમર વધતાં પ્રોસ્ટેટની તકલીફ તેમજ સ્ત્રીઓમાં પોસ્ટ મેનોપોઝની તકલીફ સામાન્ય છે, જેમા6 પ્રવાહીનું પ્રમાણ વધુ રખવું તેમજ લીલા તાજાં શાકભાજી, શક્તિ માટે ગોળ, દાળિયા વગેરેનો ઉપયોગ કરી શકાય. બદામ, અંજીર, અખરોટનો મર્યાદિત ઉપયોગ પણ ફાયદાકારક છે. કાળી દ્રાક્ષ-બદામને પલાળીને ઉપયોગમાં લઈ શકાય.

    ઉંમર વધતાં પાચન ક્ષમતા ઘટે છે. દાંત નબળા પડવા, મોઢામાં લાળ બનવાની પ્રક્રિયા ધીમી પડે છે જેથી મોઢામાં રૂક્ષપણું વર્તાય છે જેના કારણે ચાવવામાં તકલીફ પડે છે. અધકચરો ચવાયેલો આહાર પાચનમાં તકલીફ ઊભી કરી શકે છે જેના લીધે ઝાડા—ઊલટી વગેરે થવાની શક્યતા રહે. આ સમયે જરૂરીછે કે પાચનમાં હલકો અને આરામથી ચાવી શકાય તેવો ખોરાક લેવો.

    50 વર્ષ પછીની ઉંમરમાં હોર્મોનલ ચેન્જિસના કારણે વજન વધવા તેમજ ઘટવાના ચાન્સ વધુ રહે છે. આથી દૈનિક નિયમિતતા ખાસ કરીને આહારમાં કેળવવી જરૂરી છે. સાથે હળવો વ્યાયામ તેમજ નિયમિત સવાર—સાંજ 20 મિનિટ ચાલવું જોઈએ. જેથી સ્ફૂર્તિ અને તાજગી મેળવી શકાય. વજન વધી રહ્યું હોય તેવી પરિસ્થિતિમાં વ્યાયામ તરફ વધારે ધ્યાન આપવું તેમજ આહારમાં નિયંત્રણ રાખવું ખૂબ જ જરૂરી છે. રેસાયુક્ત આહારનો ઉપયોગ વધારવો તેમજ ચરબીયુક્ત પદાર્થોનો ત્યાગ કરવો.

    અગર વજનમાં ઘટાડો થઈ રહ્યો છે તેવી પરિસ્થિતિમાં થોડા આહાર દ્વારા પણ વધુ શક્તિ (કેલરી) મળે  તે પ્રકારનો ખોરાક લેવો જેવો કે સૂકા મેવા જેમાં બદામ, અખરોટ, પ્રમાણસર કાજુનો ઉપયોગ કરી શકાય. દૂધ પીવાની આદત પાડવી જેમાં પ્રોટીન પાવડરનો ઉપયોગ કરી શકાય. જેથી શરીરમાં માંસપેશીઓનો ઘસારો પૂરો પાડી શકાય.

    ડાયાબિટીસ, હાઇપરટેન્શન, હ્રદયની બીમારી વગેરે જેવી પરિસ્થિતિઓમાં જે તે પરિસ્થિતિ મુજબનો આહાર લેવો જરૂરી છે. જેમાં સમયસર ખોરાક લેવો અને તેની દવાઓ પણ લેવી જોઇએ. ઓછા નમક તેમજ ઓછી ચરબીયુક્ત આહાર લેવો. વધુ સ્ટાર્ચયુક્ત ખોરાક ટાળવો. વધુ ગરમ અથવા વધુ ઠંડો આહાર બને ત્યાં સુધી ન લેવો. ફળ-શાકભાજી-નિયંત્રિત માત્રામાં સૂકામેવાનો ઉપયોગ કરવો. થોડો થોડો તેમજ પચવામાં હલકો ખોરાક લેવો. જેથી ગમે તેટલી ઉ6મરે પણ તંદુરસ્ત જીવન જીવી શકાય અને જિંદગીને માણી શકાય.

 —હીરવા ભોજાણી

************************************************   

  

 

વિશે

I am young man of 77+ years

Posted in miscellenous

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s

વાચકગણ
  • 522,818 hits

Enter your email address to subscribe to this blog and receive notifications of new posts by email.

Join 275 other followers

તારીખીયું
જાન્યુઆરી 2019
સોમ મંગળ બુધ ગુરુ F શનિ રવિ
 123456
78910111213
14151617181920
21222324252627
28293031  
સંગ્રહ
ઓનલાઈન મિત્રો
%d bloggers like this: