જીવન પોતપોતાનું

જીવન પોતપોતાનું

(જન્મભૂમિ, સોમવાર, 21/1/2019)

    માણસ જ્યારે સંવેદનશીલ રહેતો હોય ત્યારે નજીકનાજ હિતેચ્છુઓ તેને વારંવાર કહેતા હોય છે કે કેમ આટલું બધું વિચારે છે? આનો જમાનો હવે નથી રહ્યો, પ્રેક્ટિકલ બનો. જ્યારે માણસ પ્રેક્ટિકલ બની જતો હોય છે ત્યારે એ જ હિતેચ્છુઓ તથા દુનિયા તેને કહેતી હોય છે, કેમ ભાઈ આટલો બધો બદલાઈ ગયો છો? પછી ધીરેધીરે પીઠ પાછળ કહેવામાં આવતું હોય છે, સ્વાર્થી થઈ ગયો છે. એકબીજાથી વિરોધી અને વિચિત્ર લાગે તેવી બાબતો છે અને કેટલીક હદ સુધી સાચી પણ છે. કારણ જિંદગીમાં દરેકની પોતપોતાની લડાઈ અને સંઘર્ષની ગાથા છે, કોઈ પીડા ભોગવીને વધારે સહનશીલ અને નમ્ર બની જાય છે, તો કોઈ પીડાઓ દ્વારા ભાંગી પડતા હોય છે. અમુક જ એવા હોય છે જે સંઘર્ષોમાંથી સતત શીખતા જઈ અને ઘડાતા જતા હોય છે. પણ મોં પરનું હાસ્ય એવું જ અકબંધ જાળવી રાખતા હોય છે.બસ, આટલો જ ફરક માણસને સામાન્યમાંથી વિશિષ્ટ બનાવતો હોય છે. માણસની વધારે પડતી વિચારવાની કુટેવ અને લાગણીશીલતાનો દરેક બાબતમાં કરવામાં આવતો દુરુપયોગ જ દુ:ખ પહોંચાડતો હોય છે. જીવનમાં કરવા જેવા ઘણાં કામ છે, જે માણસને આનંદ આપે અને વ્યસ્ત રાખી શકે.

    કહેવાનું તાત્પર્ય જીવનમાં માત્ર સંબંધો તથા મિત્રો પાસેથી સતત અપેક્ષાઓ રાખ્યા કરવી અને તે પૂરી ન થાય ત્યારે દુ:ખ અને હતાશા મેળવવા કરતાં પોતાના ધ્યેય અથવા જીવનમાં વિકાસ કરવાની દિશામાં વ્યસ્ત રહેવું જોઈએ. કહેવાય છે ને, જે વ્યસ્ત રહે છે, તે મસ્ત રહે છે. જો તમને તમારી વ્યસ્તતાને માણતા આવડતી હશે તો તમે તમારા કામમાં આનંદ મેળવશો એટલે કાં તો તમે તમારા કામોને ગમતા કરી લો અથવા ગમતી બાબતોમાં કામ શોધી લો. આ લાગણીશીલતા અને સંવેદનશીલતા માણસને જિંદગીના પાઠ શીખવવામાં આડે આવતી હોય છે. જ્યારે અમુક બાબતોને સ્વીકારી જ લેવાની હોય ત્યાં ‘શું કામ?’ અથવા ‘નથી થઈ શકતું’ આવા વિકલ્પો માણસને લાચાર બનાવી નાખે છે.

    જિંદગીના સંઘર્ષો માણસને મજબૂત બનાવતા હોય છે. પણ ક્યારેક અમુક બાબતોમાં માણસને જતું કરવાનું  અથવા આપીને ખાલી થવાનું પણ શીખવાની તાલીમ આ જ જિંદગી પાસે છેલ્લા તબક્કાઓમાં લેવી જ પડતી હોય છે. જે શીખી ગયા એ હસતા હસતા વિદાય લેતા હોય છે અને જે મોહમાયા તથા લોભ—લાલચમાં અટવાયેલા રહ્યા તે છેલ્લા શ્વાસ સુધી હળવા નથી થઈ શકતા. હળવા થઈને જીવતા શીખો. આપણે શ્વાસ પણ છેલ્લે છોડીને જ જવાનું છે. આપણે એ જ ભૂલી ગયા છીએ કે આ ધરતી ઉપર આપણે નિવાસી નહીં પણ પ્રવાસી છીએ !

    —વૈભવી ભાવિક

******************************************************

વિશે

I am young man of 77+ years

Posted in miscellenous

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s

વાચકગણ
  • 522,417 hits

Enter your email address to subscribe to this blog and receive notifications of new posts by email.

Join 275 other followers

તારીખીયું
જાન્યુઆરી 2019
સોમ મંગળ બુધ ગુરુ F શનિ રવિ
 123456
78910111213
14151617181920
21222324252627
28293031  
સંગ્રહ
ઓનલાઈન મિત્રો
%d bloggers like this: