વો મેરી નિંદ, મેરા ચૈન મુઝે લૌટા દો/નિધિ ભટ્ટ

વો મેરી નિંદ, મેરા ચૈન મુઝે લૌટા દો/નિધિ ભટ્ટ

(મુંબઈ સમાચાર, રવિવાર 4/11/2018/ઉત્સવપૂર્તિ/પ્રાસંગિક /પાનું:8)

    મુંબઈની લાઇફસ્ટાઇલમાં આપણે બધું જ કામ ઉતાવળમાં કરતા હોઈએ છીએ, આપણા માટે પૈસા પછી જો બીજી કોઈ મહત્ત્વની વસ્તુ હોય તો તે છે સમય. સમય અને પૈસાની રેસમાં આપણે સંબંધોનો તો સાવ છેદ જ ઉડાડી નાખ્યો છે. દરેક કામ સમયસર થવું જરૂરી છે અને મુંબઈની લાઇફ એટલી વ્યસ્તછે કે બે ઘડી નિરાંતનો શ્વાસ લેવાની ફુરસદ નથી. બાળકો હોય કે કૉલેજ હોય કે નોકરિયાત વર્ગ બધા સવારે ઉઠીને તૈયાર થઈને પોતાના કામકાજમાં લાગી જાય છે.

    આખો દિવસ પછી જ્યારે બાળકો સ્કૂલ,ક્લાસ અને રમીને ઘેર પાછા આવે છે ત્યારે ફોન પકડીને બેસી જાય છે. યુવાનો અને નોકરિયાત વર્ગ પણ રાતના આવીને સીધા સોફા પર પગ લંબાવીને મોબાઇલમાં ઘુસી જાય છે. સાંજના ઘરે પાછા આવ્યા ત્યારથી રાતના સૂતા વખત સુધીના ચાર-પાંચ કલાકમાં, લોકો ફોનમાં ઓછામાં ઓછા બે કલાક તો ટાઇમ પાસ કરે જ છે. હું એમ નહીં કહું કે બધા જ લોકો ફોન પર ટાઈમપાસ કરતા હોય છે. પણ હા મોટાભાગના લોકો ફોન પર રહેતા હોય છે.

    ટૅક્નોલોજીનો ફાયદો તો ખૂબ જ છે પણ તેની અતિ આપણા મહામૂલા અંગત સમયનો બગાડ કરી રહી છે. કહેવાય છે કે ‘અતિની નથી કોઈ ગતિ ’. મુંબઈની વ્યસ્ત લાઈફસ્ટાઈલમાં પરિવારના દરેકે દરેક જણ આખો દિવસ કામકાજમાં લાગેલા હોય છે, પૈસા પાછળ દોડતા માણસો પરિવારને સમય આપવાનું ભૂલી જાય છે અને એમાંય હવે સેલફોનનો વધારો થયો છે, તો બાપા હવે લોકો પરિવારને ઓછો અને મોબાઈલને વધુ સમય આપે છે.

    હવે થોડો વિચાર કરીએ કે લોકો કેમ રાતના પોતાની મીઠી નિંદરનો ત્યાગ કરીને ફોનને સમય આપે છે, આની પાછળ ફક્ત  બે પરિબળ છે એક તો એકલતા બીજું મનોરંજનની લત.

    એકલવાયો માણસ એટલે કે એકલો રહેતો હોય તે નહીં પણ મનથી પરિવાર કે મિત્રોથી દૂર થયેલા લોકો. જે પોતાના મનની વાત કોઈને કહી શકતા નથી. અમિતાભ બચ્ચનનો ડાયલોગ તો યાદ હશેને કે ‘મે ઔર મેરી તન્હાઈ અકસર ઐસે બાતે કીયા કરતે હૈ..’ તેવા લોકો મોટા ભાગે સોશિયલ મીડિયાનો વધુ વપરાશ કરતા હોય છે, એમ એક સર્વે દ્વારા જણાયું હતું.

    સોશિયલ મીડિયાની કાલ્પનિક દુનિયા એટલી માયાવી છે કે લોકો તેની જાળમાં ફસાયા પછી ભાગ્યે જ બહાર નીકળી શકે છે. રાતના ઉજાગરા કરીને આજની યુવા પેઢી પબજી, ફ્લેશ રોયલ, ફ્લેશ ઑફ ક્લેન્સ અને કાઉન્ટ સ્ટ્રાઈક જેવી ગેમો રમતી જોવા મળે છે. જ્યારે ઘણાં લોકો નેટફ્લિક્સ કે એમોઝોન પ્રાઈમ પર વૅબ સીરિઝ જોઈને રાત ગુજારતા હોય છે.

    આજની યુવા પેઢીતેમની અભ્યાસને લગતી કે કારકિર્દીને લગતી કે બીજી કોઈપણ પ્રકારની મુશ્કેલીમાંથી પોતાનું તાત્પૂરતા માટે ધ્યાન ભટકાવા માટે ગેમ, ફિલ્મ, વૅબસિરીઝ અને એનિમે તરફ ધ્યાન દોરે છે. ક્યારેક ક્યારેક આ વળગણ તેમના કામના આડે આવે છે છતાં આદતથી મજબૂર તેઓ વળગણને છોડી શકતા નથી.

    મુંબઈના નોકરિયાત વર્ગ અને ટીનેજરની વાત કરીએ તો તેમાંથી અડધોઅડધ લોકો ઘરે જઈ જમી પરવારીને મોબાઈલને ચોંટી જતા હોય છે. મોબાઈલની અતિશયોક્તિને લીધે લોકો સાતથી આઠ કલાકની નીંદર લેતા નથી અને શરીરને યોગ્ય આરામ ન મળવાથી આખો દિવસ સુસ્તી રહે છે અને સ્વાસ્થ્ય પર આડઅસર થાય છે.

    એક સર્વે અનુસાર, સોશિયલ મીડિયાના વપરાશથી લોકો ડિપ્રેશનમાં આવે છે. મિત્રો કે સગાં-સંબંધીઓની જાહોજલાલીની પૉસ્ટ  જોઈને ઘણી વાર મનમાં થાય કે આપણી પાસે એવી સુખ-સુવિધા કેમ નથી તો એટલે મનમાં થોડો વિષાદ આવે છે અને ધીમે ધીમે એ વાત મનને કોરી ખાય છે. પોતાની લાઈફ વધારે સારી કેવી રીતે બનાવી શકાય, કેવી રીતે વધુ પૈસા કમાવી શકાય, કેવી રીતે પોતાના અને પોતાના પરિવાર માટે બધી સુખ-સાહ્યબીવાળું જીવન વીતાવી શકે. આ બધી ચિંતાઓ ધીમે ધીમે મન દુ:ખથી ભરી દે છે. એક સર્વે અનુસાર, સોશિયલ મીડિયાના વપરાશને લીધે લોકોમાં અદેખાઈ અને અસંતુષ્ટતા થાય છે.

    જુવાનિયા કહો કે આઘેડ વયના માણસો , ઘરે આવીને રાતભર પોતાના સ્કૂલના કે કૉલેજના જૂના મિત્રો સાથે ઠઠ્ઠા-મશ્કરી કરીને, શાયરી મોકલીને ટાઈમપાસ કરતા હોય છે. આ ટાઈમપાસ સારો છે, પણ એટલો નહીં કે વ્યર્થની વાતો માટે શરીરને જરૂરી ઊંઘનો ભોગ આપીને કરાય. ઘણાંને નવી નવી ફિલ્મો જોવાનો શોખ હોય તો કોઈ અભિનેતા કે અભિનેત્રીના એટલા જબરા ચાહક હોય કે એક ફિલ્મ 10 વાર જોઈ લે તોયે તેમનો જીવ ના ભરાય. છેલ્લાં દસકાથી વિશ્વભરથી એનિમે(જાપાનીઝ કાર્ટૂન ) તરફ લોકો વધારે વળી રહ્યા છે. લોકો ટીવી છોડીને એનિમેની દુનિયા કહો કે વૅબસિરિઝ તરફ ઝૂકતા નજરે ચડે છે. ગેમ્સના ચાહકો રાત-રાતભર ઊજાગરાં કરીને નિરર્થક ગેમ રમીને, આંખોને કષ્ટ આપીને અને સમયનો બગાડ કરતા હોય છે.

    કામેથી થાકી પરવારીને આવ્યા બાદ માતા-પિતા સાથે, બાળકો સાથે કે પાર્ટનર સાથે બે મીઠાં બોલ બોલીને તો જુઓ સાહેબ, ક્યારેક તમે હોસ્પિટલમાં દાખલ થશો ત્યારે ફોન કે સોશિયલ મીડિયાના મિત્રો તમારા વહારે નહીં આવે, તમારો પરિવાર જેમને તમે ફોન અને ટાઈમપાસના ચક્કરમાં સમય નથી આપતા એ જ તમને કામ આવશે.

    રાતના ફોનમાં સોશિયલ મીડિયાના જગતમાં ઘૂસતા પહેલા એટલું જાણી લેજો કે તમારી આ આદતની બીમારી, ડિપ્રેશન અને અમૂલ્ય સંબંધોના ભંગાણ તરફ લઈ જઈ રહ્યું છે. સોશિયલ મીડિયાનું હેન્ગઑવર બંધ કરીને નીંદરરાણીને માણો. અંતે હું એક જ વાત કહીશ ‘લાઈફ ઈઝ નોટ ઈનસાઈડ ધી ફોન, ઈટ્સ આઉટ સાઈડ ધી ફોન.’

**************************************

Advertisements
વિશે

I am young man of 77+ years

Posted in miscellenous

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google+ photo

You are commenting using your Google+ account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s

વાચકગણ
  • 327,410 hits

Enter your email address to subscribe to this blog and receive notifications of new posts by email.

Join 285 other followers

તારીખીયું
નવેમ્બર 2018
સોમ મંગળ બુધ ગુરુ F શનિ રવિ
« ઓક્ટોબર   ડીસેમ્બર »
 1234
567891011
12131415161718
19202122232425
2627282930  
સંગ્રહ
ઓનલાઈન મિત્રો
%d bloggers like this: