મેરે ઘર આયી…//આશા વીરેન્દ્ર

 

મેરે ઘર આયી…//આશા વીરેન્દ્ર

(જન્મભૂમિ-પ્રવાસી 14/01/2018/મધુવન પૂર્તિ/પાનું 7)

દરેક પામતા-પહોંચતા મા—બાપની ઈચ્છા હોય કે, પોતાની સંપત્તિમાંથી દીકરાને તો ખરું જ પણ દીકરીનેય યથાશક્તિ આપે. મેં પણ છ મહિના પહેલાં દીકરી માટે એક ફલૅટ લીધેલો-એક રૂમનો. એ જ રસોડું, એ જ દીવાનખાનું અને એજ શયનખંડ કહોને કે, ઑલ ઈન વન, દીકરી મારી સંતોષી એટલે એ કહે કે, આટલું તો મારે ભયો ભયો

લગ્ન થયાં ને જમાઈબાબુને કહ્યું, ફલૅટ તમારે માટે જ છે.આવી જાવ રહેવા.’ પણ એ  તો ભાઈ ભારે સ્વમાનીકહે કે, ‘પહેલાં બીજી બધી સગવડ કરી લઉં, બરાબર થઈ જાઉં પછી રહેવા આવીશું. હાલ તો જ્યાં છીએ ત્યાં ઠીક છીએ. ’એમ તો મેં કન્યાદાનમાં રાચરચીલું, ફર્નિચર વગેરે આપવાની મરજી બતાવેલી પણ હુતો-હુતી બંને કહે, ‘ના, ના, અમે તો જાત મહેનત કરીને બધું વસાવીશું. અમારે તમારું આપેલું નથી જોઈતું. ’ પરણી એટલે દીકરી હવે પારકાની થઈ ગઈ. મારાથી વધું શું બોલી શકાય? બેઉની ઈચ્છાને માન આપતાં મેં કહેલું, ‘તથાસ્તુ’

બરાબર આજે સવારના કોઈક શુભ ચોઘડિયે દીકરી જમાઈએ ફલૅટમાં કુંભ મૂક્યો. હું તો રાજીના રેડ. ‘ અરે વાહ ! છ મહિનાથી સૂમસામ પડેલા ફલૅટમાં હવે પ્રાણ પૂરાશે ફલૅટ હવે ઘર કહેવાશે મન તો ઘણું થાય કે , એમને કંઈક કામમાં આવું. ઘર ગોઠવવામાં મદદ કરું પણ બંનેનો કડક હુકમ, ‘તમે શાંતિથી બેસી રહો. જે કરવું હોય એ અમે અમારી રીતે કરીશું.’’ઠીક ભઈ, આમે હવે અમારાં જેવા ઘરડાં-બુઢાને કોણ પૂછે છે?છતાં ય કહી રાખું છું , મારું કંઈ કામ હોય તો કહેજો.’

આજે એક જ દિવસમાં બેઉએ કંઈ ધમાધમ કરી છે ! જાણે નવી નવાઈનું એ બંને જ ઘર વસાવવાનાં હોય એમ એક આ બાજુ દોડે તો બીજું બીજી દિશામાં ભાગે. .જમાઈએ  સોફા , દાઈનિંગ ટેબલ, ખુરશીઓ,બધું શૉ-રૂમમાં જઈને જોવા માંડ્યું તો દીકરી ઘરવખરી ભેગી કરવામાં મશગૂલ. જોતજોતામાં ઘર તો ભરાવા માંડ્યું .

ઝીણવટથી જોયું તો ખ્યાલ આવ્યો કે અરે, દીકરી તો ભારેવગી છે ખરી છે, પોતાની માનેય આવા સારા સમાક્ષ્ચાર નથી આપતી ! હવે ખબર પડી કે નવા ઘરમાં આવવાની આટલી ઉતાવળ શા માટે? વાહ ભાઈ વાહ ! હું તો નાની બનવાની. મને અત્યારથી ભારે ઉત્સુક્તા છે. દીકરો આવશે કે દીકરી? ટ્વીન્સ હોય ને એક દીકરો ને એક દીકરી જન્મે તો તો એના જેવું રૂડું શું? લાગે છે કે, મારી ઈચ્છા ફળીભૂત થશે પછી તો હું દીકરીને થોડા બાળ-ઉછેરના પાઠ પણ ભણાવીશ. લાગે છે કે, મારે મારા કલ્પનાના ઘોડા આટલા બધા ન ન દોડાવવા જોઈએ. આજ-કાલના જુવાનિયાઓનો શું ભરોસો? જો દીકરી મને રોકડું પરખાવી દે કે, ‘મમ્મી, મને તારી સલાહની જરૂર નથી. અમને તમે તમારી રીતે ઉછેર્યાં હવે અમારાં સંતાનો અમારી રીતે મોટાં કરવા દો.’તો મારું શું માન રહે?એના કરતાં જે થાય એ દૂરથી નીરખ્યા કરવું ને હરખ્યા કરવું.

ભવિષ્યનાં માતા—પિતા બનવાના વિચારથી પતિ-પત્ની બન્ને આનંદમાં તો ખરાં પણ સાથે નાની –મોટી ખટપટ પણ ચાલ્યા જ કરે છે. એક કહે કે, પૂર્વ તો બીજું પશ્ચિમ જ કહે પણ વાંધો નહીં. આ જ સંસારનો નિયમ છે. એમ તો કાંઠે પહોંચવા આવ્યાં તોય અમારી વચ્ચે પણ… જવા દો, નકામી ગાડી આડેપાટે ચઢી જશે. હા, તો હું એમ કહેતી’તી કે, જમાઈને મેં એક વખત ધીમેકથી પૂછ્યું, ‘સીમંત વિધિ તમારે ઘેર રાખશો ને?’ એમણે તો ફટાક દઈને કહી દીધું કે, ‘અમારામાં એવો કોઈ રિવાજ ન હોય.’લ્યો બોલો, આમ કહી કહીને બધી વાત ઉડાવી દે તે અમને-પિયરિયાનેય કંઈ હોંશ હોય કે નહીં? ઠીક છે, વખત આવ્યે ઘીનાં ઠામમાં ઘી પડી રહેશે.

આ ક્યારની જે દીકરી-જમાઈની વાત કરું છું એની ઓળખાણ કરાવી જ દઉં. દીકરી એટલે ચક ચક કરતી ચકી અને મારા માનવંતા જમાઈરાજ એટલે  શ્રીમાન ચકારાણા. મને બહુ હોંશ કે, મારી નજર સામે દીકરીનું ઘર મંડાય એટલે હું તો લઈ આવી લાકડાનું ચકલીઘર. એ જ તો છે મેં એને માટે લીધેલો ફલૅટ. છ મહિનાથી રાહ જોયા કરું કે, દંપતી ક્યારે એમાં રહેવા આવે, ક્યારે આવે !હાલતા ને ચાલતા હુ ગાયા પણ કરું.

‘ઓ રી ચિરૈયા, નન્હી સી ચીડિયા

અંગનામેં ફિર આ જા રે.’

પણ મારી ધીરજની કસોટી કરવી હોય એમ આટલા વખત સુધી એણે દાદ દીધી નહીં. થાકીને મેં મારા માણસને કહ્યું, ‘આમાં માળો બાંધવા ચકલી કંઈ આવવાની નથી લાગતી. આને કાઢીને ફેંકી દે !’

‘હા બહેન, કાલે કાઢીશ, કાલે કાઢીશ’ એમ કરતાં એણે મુદત પાડ્યા  અને આજે સવારના પહોરમાં એકાએક ચકા—ચકીએ સજોડે આવી, મોંમાં લાવેલું તણખલું ઘરમાંમૂકીને કુંભસ્થાપના કરી. એક વખત એમની એન્ટ્રી થઈ કે, અડધા કલાકમાં તો ઘરના વાયરના ટુકડા, ઝાડની ડાળી, નકામા દોરા, સળીઓ અને ઘાસથી ભરાઈ ગયું અને મારું હૈયું અપૂર્વ આનંદથી ભરાઈ ગયું.

દૂધ જેવા સફેદ ઈંડાનું કોચલું તોડીને મારાં દોહિત્રો જ્યારે બહાર આવશે ત્યારે એમની નાની નાની આંખોથી એમનાં  મા—બાપ પછી સૌથી પહેલી એમની નાનીને જોશે. ત્યારે હું એ બાળુડાંઓને કહીશ,

અંધ્યારા હૈ ઘના, ઔર લહુસે સના

કિતનો6 કે તીનકે, અંબરસે ચુનકે

અંગનામેં ફિર આના રે…

 

આશા વીરેન્દ્ર

વિશે

I am young man of 77+ years

Posted in miscellenous

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s

વાચકગણ
  • 529,189 hits

Enter your email address to subscribe to this blog and receive notifications of new posts by email.

Join 274 other followers

તારીખીયું
જાન્યુઆરી 2018
સોમ મંગળ બુધ ગુરુ F શનિ રવિ
1234567
891011121314
15161718192021
22232425262728
293031  
સંગ્રહ
ઓનલાઈન મિત્રો
%d bloggers like this: