R.rat 244
મે’માન આવ્યા
મે’માન આવ્યા તો ભલે આવ્યા !
કે’દુની જોતી’તી વાટ, મે’માન આવ્યા.
હેલ્ય ભરી જાઉં ઉતાવળી રે,
હૈડે હરખ ન માય, મે’માન આવ્યા.
મે’માનને ઉતારા ઓરડા રે,
રાજાને મેડીના મો’લ, મે’માન આવ્યા.
મે’માનને દાતણ દાડમા રે,
રાજાને કણેરી કાંબ, મે’માન આવ્યા .
મે’માનને ભોજન લાપસી રે,
રાજાને કઢિયલ દૂધ , મે’માન આવ્યા,
મે’માનને મુખવાસ એલચી રે, રાજાને પાન પચાસ, મે’માન આવ્યા.
મે’માનને પોઢણ ઢોલિયા રે,
રાજાને હિંડોળા ખાટ, મે’માન આવ્યા.
************************************
પાનું: 246
સોણૅઍ વૅઍટકડી રે કેસર ઘોળ્યા વાલમિયા,
લીલો છે રંગનો છોડ, રંગમાં રોળ્યાં, વાલમિયા.
પગ પરમાણે રે કડલાં દોંઇ, વાલમિયા,
ઓઢણીની બબ્બે જોડ્ય, રંગમાં રોળ્યાં, વાલમિયા .
ડોક પરમાણે રે ઝરમર સોંઇ, વાલમિયા.
તુળસીની બબ્બે જોડ્ય, રંગમાં રોળ્યાં, વાલમિયા.
કાન પરમાણે રે ઠોળિયાં સોંઇ, વાલમિયા.
વેળિયાંની બબ્બે જોડ્ય, રંગમાં રોળ્યાં, વાલમિયા.
નાક પરમાણે રે નથડી સોંઇ, વાલમિયા.
ટીલડીની બબ્બે જોડ્ય, રંગમાં રોળ્યાં, વાલમિયા.
******************************************************
ગિરધારી
પાનું: 251
[આ ગીતમાં મુખ્ય ઉદ્દેશ સ્ત્રીનાં અંગોને ઉપમાઓ દેવાનો જ છે.]
હાં હાં ઘડૂલિયો ચડાવ્યને ગિરધારી;
ઘરે વાટ્યું જુએ છે મા મોરી રે
બેડલું ચડાવ્ય રે ગિરધારી રે !
તારા માથાનો અંબોડો રે ગિરધારી રે !
જાણે છૂટ્યો તેજી ઘોડો રે—બેડલું…
તારી આંખનો ઉલાળો રે ગિરધારી !
જાણે દરિયાનો હિલોળો રે.—બેડલું
તારા નાકડિયાની ડાંડી રે ગિરધારી !
જાણે દીવડીએ શગ માંડી રે .—બેડલું.
તારા હાથની કળાયું રે ગિરધારી !
જાણે સોનાની શરણાયું રે.—બેડલું…
તારા હાથની હથેળી રે ગિરધારી !
જાણે બાવલપરની થાળી રે .—બેડલું…
તારા હાથની આંગળિયું રે ગિરધારી !
જાણે ચોળામગની ફળિયું રે.—બેડલું…
તારા પેટડિયાનો ફાંદો રે ગિરધારી !
જાણે પૂનમ કેરો ચાંદો રે.—બેડલું…
તારા વાંસાનો વળાકો રે ગિરધારી !
જાણે સરપનો સળાકો રે –બેડલું…
**********************************************
I am young man of 77+ years
મા ગુર્જરીના ચરણે.... 
[…] મે’માન આવ્યા + […]