A FEW MOMENTS WITH SHRI KARSANDAS MANEK

A Few Moments with Shri.Karsandas Manek

કરસનદાસ માણેક સાથે થોડી પળો

(1)એક દિન આંસુભીનાં રે…
એક દિન આંસુભીનાં રે
હરિનાં લોચનિયાં મેં દીઠાં ! પચરંગી ઓચ્છવ ઊછળ્યો’તો અન્નકૂટની વેળા,
ચાંદીની ચાખડીઓએ ચડી ભક્ત થયા’તા ભેળા !
શંખ ઘોરતા,ઘંટ ગુંજતા, ઝાલરું ઝણઝણતી: શતશગ કંચન આરતી હરિવર સન્મુખ નર્તંતી
દ્રરિદ્ર,દુર્બળ, દીન અછૂતો અન્ન વિના અડવડતા, દેવદ્વારની બહાર ભટકતા ટુકડા કાજ ટટળતા,
તે દિન આંસુભીનાં રે

હરિનાં લોચનિયાં મેં દીઠાં !

લગ્નવેદિપાવક પ્રજળ્યો’તો વિપ્ર વેદ ઉચ્ચરતા, સાજન મા’જન મૂછ મરડતા પોરસફૂલ્યા ફરતા;
જીર્ણ, અંજીઠું, પામર, ફિક્કું, માનવપ્રેત સમાણું, કૃપણ કલેવર કોડભર્યું જ્યાં માંડવડે ખડકાણું: ’બ્રાહ્મણવચને સૂરજસાખે’ કોમળકળી ત્યાં આણી, ભાવિની મનહર પ્રતિમાની જે દિન ઘોર ખોદાણી,
તે દિન આંસુભીનાં રે
હરિનાં લોચનિયાં મેં દીઠાં !

ભય-થરથરતા ખેડૂત ફરતા શરીફ ડાકુ વીંટાયા: વરુના ધાડાં મૃત ઘેટાંની માંસ—લાલચે ધાયાં ! થેલી,ખડિયા,ઝોળી, તિજોરી: સૌ ભરચક્ક ભરાણાં: કાળી મજૂરીના કરતલને બે ટંક પૂગ્યા ન દાણા ! ધીંગા ઢગલા ધાન્યતણા સૌ સુસ્તોમાંહિ તણાણા: રંક ખેડૂનાં રુધિર ખરડ્યાં જે દિન ખળાં ખવાણાં:
તે દિન આંસુભીનાં રે
હરિનાં લોચનિયાં મેં દીઠાં !

હુંફાળાં રાજવી ભવનોથી મમત અઘોર નશામાં ખુદમતલબિયા મુત્સદીઓએ દીધા જુધ્ધ—દદામા;
જલથલનભ સૌ ઘોર અગનની ઝાળમહિં ઝડપાયા: માનવી માનવીનાં ખૂન પીવા ધાયા થઇ હડકાયા; નવસર્જનના સ્વપ્નસંગી ઉર ઉછરંગે ઉભરાણાં: લખલખ નિર્મલ નવલકિશોરો ખાઇઓમાં ખોવાણા.
તે દિન આંસુભીનાં રે હરિનાં લોચનિયાં મેં દીઠાં ! ખીલું ખીલું કરતાં માસુમ ગુલ સૂમ શિક્ષકને સોંપાણાં, કારાગાર સમી શાળાના કાઠ ઉપર ખડકાણાં ! વસંત,વર્ષા ગ્રીષ્મ શરદના ભેદ બધા ય ભુલાણા: જીવનમોહ તણા લઘુતમમાં પ્રગતિપાદ છેદાણા ; હર્ષઝરણ લાખો સ્મિત ભાવિનાં વણવિક્સ્યાં જ સુકાણાં;
તે દિન આંસુભીનાં રે
હરિનાં લોચનિયાં મેં દીઠાં !

***********************************************

(2) મને એ જ સમજાતું નથી
મને એ જ સમજાતું નથી કે આવું શાને થાય છે:

ફૂલડાં ડૂબી જતાં ને પત્થરો તરી જાય છે !

 ટળવળે તરસ્યાં,ત્યહાં જે વાદળી વેરણ બને,

તે જ રણમાં ધૂમ મૂસળધાર વરસી જાય છે !
ઘર—હીણાં ઘૂમે હઝારો ઠોઅકરાતાં ઠેર ઠેર :

ને ગગનચુમ્બી મહાલો જનસૂનાં રહી જાય છે !

દેવડીએ દંડ પામે ચોર મુઠી જારના :

લાખ ખાંડી લૂંટનારા મહેફિલે મંડાય છે !
કામધેનુને મળે ના એક સૂકું તણખલું,

ને લીલાછમ ખેતરો સૌ આખલા ચરી જાય છે !

 છે ગરીબોના કુબામાં તેલ ટીપુંય દોહ્યલું :

ને શ્રીમંતોની કબર પર ઘીના દીવા થાય છે ! =========================================================
(3) જાનારાને જાવા દેજે
જાનારાને જાવા દેજે:

એકલવાયું અંતર તારું ચૂપ રહી ચીરવા દેજે !

લાવજે ના લોચનમાં પાણી;

ધ્રુજવા દેજે લેશ ન વાણી,

પ્રાણના પુષ્પની પાંખડી પાંખડી
છાનોમાનો છેદાવા દેજે !

જાનારાને જાવા દેજે !

નીરવ જીરવી લેજે ઝુરાપા,

છોને પડે તારે કાળજે કાપા :
હૈયાની ધરતી તરસી,

તારાં શોણિતથી સીંચાવા દેજે !
જાનારાને જાવા દેજે !
ઝંખનાની કાળી ઘોર ગુલામી ;

વહોરજે ના વેદનાઓ નકામી.

સપનાની તારી વાડી રૂપાળીને
સામે ચાલી વેડાવા દેજે !

જાનારાને જાવા દેજે ! ********************************************************************
(4)એવું જ માંગુ મોત
એવું જ માંગુ મોત, હરિ, હું તો એવું જ માંગુ મોત !
આ થયું હોત ને તે થયું હોત ને
જો પેલું થયું હોત…… અંત સમે એવા ઓરતડાની
હોય ન ગોતાગોત !—હરિ, હું0

કાયાની કણીકણીથી પ્રગટે
એક જ શાંત સરોદ :

જોજે રખે પડે પાતળું

કદી યે આતમ કેરૂં પોત !—હરિ, હું0
અંતિમ શ્વાસ લગી આતમની
અવિરત ચલવું ગોત :

ઓતપ્રોત હૌં આપ મહીં જ્યારે
ઊડે પ્રાણ-કપોત !—હરિ, હું0

ઘનઘન વીંધતાં, ગિરિગણ ચઢતાં,
તરતાં સરિતા—સ્ત્રોત.
સન્મુખ સાથી જનમજનમનો
અંતર ઝળહળ જ્યોત !

હરિ, હું તો એવું જ માંગુ મોત ! ********************************************************************

વિશે

I am young man of 77+ years

Posted in કવિતા
9 comments on “A FEW MOMENTS WITH SHRI KARSANDAS MANEK
  1. Mukundrai L Joshi કહે છે:

    ગોપળભાઈ,
    મને ખુબ ગમતા કાવ્યો વાંચવા મળ્યા આજે અહીં આપના આ બ્લોગમાં એથી ખુબ આનંદ થયો. આભાર

  2. Pinki કહે છે:

    એક દિન આંસુભીનાં રે
    હરિનાં લોચનિયાં મેં દીઠાં !

    My fav. poem
    just tears come to eyes , enjoyed !

  3. kanti vachhani કહે છે:

    bahuj sundar kavyo chhe………

    કાંતિ વાછાણી
    પુરુષાર્થ
    http://jshiroya.blogspot.com/

  4. BHARAT SUCHAK-GUJARATI કહે છે:

    khubaj sunder mangamatu kavya vachava maliyu
    thanks

  5. sanghvitk કહે છે:

    I am trying to find one more poem “Doonger toche dev viraje, kheen man khadbad manavkeet….” by Shri Karsandas Manek. I will be grateful if someone can help me locate it.

  6. Prabhudas કહે છે:

    I am trying to find Mahabharatkatha, can I get it?

  7. Pankaj Madariya કહે છે:

    can you please send me “Madhyahan” by Karsandas manek.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s

વાચકગણ
  • 427,534 hits

Enter your email address to subscribe to this blog and receive notifications of new posts by email.

Join 277 other followers

તારીખીયું
ઓગસ્ટ 2009
સોમ મંગળ બુધ ગુરુ F શનિ રવિ
« જુલાઈ   સપ્ટેમ્બર »
 12
3456789
10111213141516
17181920212223
24252627282930
31  
સંગ્રહ
ઓનલાઈન મિત્રો
%d bloggers like this: