આટલું જરી ભૂલશો નહીં– ઉમાશંકર જોશી
મંગળવાર તેરમી મે,2008 ને વૈશાખ સુદ નોમ, 2064
આટલું જરા ભૂલશો નહીં—ઉમાશંકર જોશી મોતીનીઢગલી :1/લોકમિલાપ/પાનું29
તમે આગળ ઉપર હાઇકોર્ટો ધ્રુજાવો કે યુનિવર્સિટીના શિખર પર કળશ થઇને દીપી ઉઠો, ધારાસભા ગજવો કે મોટીમોટી મેદની ડોલાવો, ભારે અફસર થાઓ કે મહાપુરુષબની જાઓ, પણ ત્યારે આટલું કદી ભૂલશો નહીં કે–
તમે અહીં અત્યારે ભણો છો, એ અકસ્માત જ છે.તમે અહીં ભણો છો…. ને તમારી ઉંમરના ગોઠિયાઓ ખેતરે માળા પર ચડી પંખીડાં ઉડાડે છે, શહેરનાં કારખાનાંમાં બેવડ વળી જાય છે, વીશીઓના અંગીઠા આગળ શેકાય છે. અથવા તો મુંબઇની ચોપાટી પર પગચંપી કરે છે. કોઇ અકસ્માતથી તમે એને ઠેકાણે હોત, એ તમારે ઠેકાણે હોત…તો?
આગળઉપર જ્યારે તમે મોટા તિસ મારખાં બની જાઓ, ત્યારે પણ આટલું આ જરી ભૂલશો નહીં.અનેક લાલચો અને પ્રલોભનો હોય, પણ પેલાં વાંદરાએ મગરને કહેલું તેમ કહેજો કે,મારું કાળજું તો, અરે ત્યાં રહી ગયું-જ્યાં પેલાં કુમળાં બાળકો ટોયાં બની પંખી ઉડાડે છે, છાપાં વેચવા ફૂટપાથ પર દોડે છે, કપરી મજૂરીમાં ઘસાઇ જાય છે.
1 comment May 13, 2008
